مــــــــا كــــفــــاك الــــجـــــرح

ماكفاك الجرح



ما كفاك الجرح يا قلبي و تعبت...لعن أبوك أتعبت صدري و ما تعبت

كم نصحتك وإنت ياقلـبي عنيـد...دام حظــك ما صفــالك مـا كسبت



ما كفاك الجرح يا قلبي و تعبت




راس مالي قلب تملـيه الجراح...ما ذكرت فيوم مــن عمــري إستراح

كلّما عدّلت فيـــه الحــظ طـاح...مـــا يفـــيد اليــوم لو شعري كــتبت




ما كفاك الجرح يا قلبي و تعبت




عـشت ياقـلبي على كثر الطعـون...ميـر لا تـنبــض ولا هــم يحــزنـون

أتعبــتك أحزان وقتي و الظنون...دام متــعب ليه يا قلـــبـي كــذبــت




ما كفاك الجرح يا قلبي و تعبت



كــيف أعالج جرح و أيامي جراح...ينـــولد جـرحي على وجـه الصباح

لو شفيت الجرح غيره جـرح لاح...ما عرفــت عـلاج جـرحي وما قـربت



ما كفاك الجرح يا قلبي و تعبت



كم خذلك الوقت بالوجه الشحوب...تـوب يا قلبي كفى تحمل ذنوب

ما بعد صـبح العمر غـير الغروب...راجـع حساب الـزمن لو ما حسبت



ما كفاك الجرح يا قلبي و تعبت



ناتــج الأيــام لـو طــالت كفــــن...مــن صفـالك؟ غـير عثــرات الزمن

شوف كـم قبلك من الناس إندفن...لو حسبت حساب موتك ما لعبت




ما كفاك الجرح يا قلبي و تعبت



غرتـك دنـياك و الـــدنيا تـــــدور...كــم بــنى غــيرك عليها من قصــور

المصـير الـموت وإن جيت القبور...لـك ثــواب الي على ظهرك حطبت


شفته وعجبني وحبيت انقله لكم..