كيف تكون عضو مميز

احبائي اعضاء منتدانا الغالي :

بعد التحيه :

حبيت النهارده اقدم لكم بعض النصائح لكي تكون عضو مميز بردودك وموضوعاتك !! (وده من وجهة نظري المتواضعه )..

نبداء بالموضوعات وانشاءها :

كيف تجعل اي عضو او زائر ان موضوعك مهم وشيق وتخليه فعلا يحس انه مش هايندم لو دخل !!

ده عن طريق خطوات بسيطه جدا وفي منتهي السهوله :

اولا :التنسيق وده اهم حاجه في الموضوع ومن غيره مهما كانت اهميته هيصبح عديم الفائده .. لازم يكون الموضوع منسق ويسر زائره وده عن طريق الاتي :

1. اختيار الوان متوافقه للكلمات وغير مرهقه لعين القاريء واختيار حجم مناسب للخط مثلا لو كانت الكلمات كتير يبقي الخطوط صغيره ومناسبه والعكس !!
2.دعم الموضوع بصور سواء لاحد شخصيات الموضوع او لاماكن او احد التعبيرات الخاصه.
3.عمل فواصل للموضوع لانها بتعطيه شكل جمالي لايوصف .


ثانيا : عمل شخصيه مستقله بذاتك سواء في اختيار موضوعاتك او طريقة صياغتها وكتابتها

ثالثا :التمهل وعدم التسرع في اختيار اي موضوع لطرحه .

رابعا :عدم الاطاله في اي موضوع لان خير الكلام ماقل ودل وحاول بقدر الامكان انك توصل للفكره باقصر عدد من الكلمات .

خامسا : اعتبار موضوعك مثل بيتك واعتبار اصحاب الردود ضيوفك بان ترد عليهم وتشكرهم باسلوب انيق ومناقشتهم ايضا في ردودهم لو تستحق المناقشه !! لان مش من الذوق ان ضيف يدخل بيتك ويكلمك وانت قاعد ساكت !!!

سادسا: محاولة عمل استفتاء لموضوعك ( ان امكن ) لان ده بيعطي للموضوع شكل افضل .



ثاني حاجه في موضوعنا هو الردود:

كيف تكون ذات شخصيه في ردودك وتشرف اي موضوع بدخولك وصاحب الموضوع يفتخر بدخولك لموضوعه والرد ايضا !!

وده برضه سهل وممكن لو اتبعت الاتي :

اولا : الرد علي الموضوع ومش علي صاحبه بمعني انك ترد علي الموضوع اللي يستاهل ده وحاسس انك فعلا عايز ترد ولو بكلمة شكر ومش عشان فلان او فلانه اللي عامله.

ثانيا : عدم الاستهزاء بأي فكره او كلمه يطرحها صاحب الموضوع لانه اكيد تعب فيه والكلمة الطيبه صدقه.

ثالثا : ان يكون ردك ايجابي بمعني ان يكون مفيد ويزيد من اهمية الموضوع ويكون ايضا في صلب الموضوع .

رابعا : الاهتمام بتفاصيل الموضوع واقناع قاريء الرد انك ترد عن وعي واهتمام وعدم الرد لمجرد الرد.

خامسا :الرد باسلوب انيق ومهذب.