قصيده رائعه لفهد المساعد

(((( لاتســـــــافــــــــرـ))))

قلبي له اليوم ثالث يوم موجعني
وعيني لها اليوم ثالث تجمع طيوفك ..

والبال كنه على دربك يوزعني
ولساني ما كنه خلق غير لحروفك ..

لا النوم نافع ولا التفكير نافعني
أنام وأصحى على الباقي من طيوفك ..

بالله قل لي شعوري هذا وش يعني ؟
طمني الله يطمن همك وخوفك ..

بيني وبينك ترى اللي صدق ضيعني
أن أنت بآخر لقاء شارح لي ظروفك ..

مدري وش أقول لكن تدري أسمعني
خابرك وافي وأبيك تتم معروفك ..

أن كنت ناوي تسافر لا تودعني
بس أنتبه لا تسافر قبل ما أشوفك ..!!